Repçi Kendrik Lamaryň Superboulda – ABŞ-nyň Milli futbol ligasynyň çempiony ady ugrundaky final oýnunda eden çykyşy Spotify-da onuň aýdymlarynyň işjeň diňlenilmegine getirdi.
Aýratynam, “Not Like Us” aýdymy uly ösüş görkezdi, ony diňlemeleriň sany 430% ýokarlandy. Bu aýdym repçi Dreýke garşy söz atyşmadyr (“diss”). Mundan öň aýdym “Ýylyň aýdymy” we “Ýylyň ýazgysy” nominasiýalarynda “Gremmi” baýragyna mynasyp bolupdy.
Repçi 13 minutlyk çykyşynyň dowamynda täze we öňki aýdymlaryndan bölekleri ýerine ýetirdi. Onuň beýleki aýdymlary-da uly ösüş görkezdi: “Humble” – 300%, “All The Stars” – 290%, “DNA”, “Man at the Garden” we “Euphoria” – 260%. “Squabble Up” we “Peekaboo” aýdymlaryny diňlemeleriň sany 230%, “Luther” we “TV Off” bolsa – 170% artdy.
Lamar öz çykyşyny amerikan baýdagynyň reňkleri bilen bezedi. Onuň bilen bilelikde sahna SZA, Semýuel L.Jekson, Serena Uilýams we Mustard hem çykdy.
Variety neşiriniň maglumatlaryna görä, Superboul MFL finalynyň tomaşaçylarynyň sany boýunça rekord goýmagyny dowam etdirýär. Şu ýyl ýaýlyma ortaça 126 mln tomaşaçy tomaşa etdi (geçen ýylky 123,4 mln bilen deňeşdirilende, 2% köp). Iň ýokary derejesinde waka birbada 135,7 mln adam tomaşa etdi.
Muňa garamazdan, Superboula 1969-njy ýylda Aýa astronawtlaryň gonuşynyň rekordyny täzelemek başartmady, onuň ýaýlymyna ABŞ-nyň 125 – 150 mln ýaşaýjysy tomaşa edipdi.
