Germaniýanyň adidas sport brendi 2024/2025 möwsüminiň UEFA-nyň Çempionlar ligasy ýaryşynyň pleý-offunyň we finalynyň resmi topuny hödürledi. Ýaryşyň jemleýji oýny 2025-nji ýylyň 31-nji maýynda Mýunhendäki (Germaniýa) “Arena Mýunhen” stadionynda geçiriler.
Topuň dizaýnynda ak ýyldyzlar bolup, olaryň töwereginde ýaşyl fonda bezegler we öndürijiniň öz nyşany şekillendirilen.
Ýatlap geçsek, 1/8 finala çykmak hukugy üçin ilkinji pleý-off oýunlary 11-nji we 12-nji fewralda geçiriler. Umumy tapgyrda 9-16-njy orunlary eýelän toparlar 17-24-nji orunlary eýelän toparlar bilen oýnar.
Pleý-off tapgyrynyň sekiz ýeňijisi 1/8 finala çykar we bu ýerde olar umumy tapgyryň ilkinji sekiz klubunyň biri bilen duşuşar.
