Taýwan 2029-njy ýyla çenli emeli aň pudagynda dünýä lideri bolmagy maksat edinýär. Häkimiýetler “Garaşsyz emeli aň” maksatnamasynyň çäklerinde döwlet we hususy pudaklarda ýurduň hasaplaýyş kuwwatyny 1 200 petaflopsa çenli artdyrmak isleýär diýip, TASS habar berýär.
Deňeşdirmek üçin, häzirki wagtda ýurduň superkompýuterleriniň umumy kuwwaty 103 petaflops töweregi bolup, şolardan 19 petaflops döwlet hasaplaýyş ulgamynyň paýyna düşýär.
Taipes Times neşiriniň maglumatlaryna görä, 2024-nji ýylda Taýwan bu görkeziji boýunça dünýä reýtinginde 11-nji orny eýeledi (ABŞ, Ýaponiýa, Italiýa, Şweýsariýa, Germaniýa, Finlýandiýa, HHR, Fransiýa, Ispaniýa we Günorta Koreýa ýurtlaryndan soň). 2025-nji ýylyň başynda Taýwanyň Milli ylym we tehnologiýa geňeşi bu ýagdaýy üýtgetmek kararyna geldi we hasaplaýyş kuwwatyny ep-esli artdyrmak meýilnamalaryny yglan etdi. EA tehnologiýaly täze superkompýuter 2025-nji ýylyň maý aýynda işläp başlar.
Ýylyň ahyryna çenli Taýwanda maglumatlary işlemegiň bulut merkezi açylar, 2029-njy ýyla çenli bolsa Taýnan şäherinde EA maglumatlaryny işlemek üçin iň uly hasaplaýyş merkezi gurlar.
