FourFourTwo: Messi taryhda iň gowy oýunçy, Ronaldu – dördünji

Britaniýanyň belli FourFourTwo neşiri taryhda iň gowy 100 futbolçynyň reýtingini hödürledi.

Sanawyň başynda argentinaly hüjümçi Lionel Messi ýerleşdi. Reýtingde onuň bilen portugaliýaly Kriştianu Ronaldunyň arasynda iki rowaýaty futbolçy – braziliýaly Pele we ýene bir argentinaly Diego Maradona ýerleşýär.
Belläp geçsek, reýtingiň üç öňdebaryjysy diňe bir klub derejesinde üstünlik gazanman, eýsem milli ýygyndylaryny dünýä çempionatlarynda ýeňşe getirdi. Ähtimal, bu reýtingi düzüjiler üçin esasy görkeziji bolsa gerek.
Ronaldudan başga-da, ilkinji bäşlige meşhur niderlandly hüjümçi Ýohan Kroýf girdi.
Taryhda iň gowy oýunçylaryň ilkinji onlugy:

1. Lionel Messi (Argentina)
2. Pele (Braziliýa)
3. Diego Maradona (Argentina)
4. Kriştianu Ronaldu (Portugaliýa)
5. Ýohan Kroýf (Niderlandlar)
6. Ronaldo (Braziliýa)
7. Zinedin Zidan (Fransiýa)
8. Frans Bekkenbauer (Germaniýa)
9. Alfredo Di Stefano (Ispaniýa)
10. Marko wan Basten (Niderlandlar).