Oýun çykaryjy Electronis Arts sport oýunlaryny seljermek üçin optiki treking ulgamlaryny işläp taýýarlaýan TRACAB Technologies kompaniýasyny satyn alandygyny habar berdi. EA-nyň habaryna görä, bu satyn alyş EA Sports FC oýun seriýasyna “rewolýusion täzelikleri” girizmäge we onuň hakykata ýakynlygyny ýokarlandyrmaga kömek eder.
TRACAB tehnologiýasy 60 Gs ýygylykda meýdançada bolýan ähli zatlary ýazga alyp, her oýunda 600 mln maglumat nokadyny döredýär. Bu her bir türgen we emin üçin 65 sany özboluşly parametri, şol sanda bedendäki bogunlaryň ýagdaýyny, topuň hereketini yzarlamagy öz içine alýar.
Öň EA oýunlarda oýunçylaryň hakyky hereketlerini gaýtalamak üçin treking tehnologiýalaryny ulandy. Mysal üçin, Erling Holandyň ylgaw stilini jikme-jik bermek üçin “Mançester Sitiniň” oýunlaryny skanirledi. Indi kompaniýa futbol simulýatorynyň realizmini täze derejä çykarmak isleýär.
Häzirlikçe TRACAB tehnologiýasynyň sentýabr aýynda çykmagyna garaşylýan EA Sports FC 26 oýnunda ulanyljakdygy ýa-da ýokdugy belli däl.
