Suzuki kompaniýasy Ýaponiýada bäş gapyly Jimny Nomade wnedorožniginiň täze wersiýasy üçin sargytlary wagtlaýynça togtatmaly boldy. Bu model müşderilerde adatdan daşary tolgunyşyk döretdi. Dört günde 50 müň sargyt alyndy, önümçilik bolsa aýda 1200 awtoulag bilen çäklenýär.
Şol sebäpli garaşmagyň möhleti 3,5 ýyla çenli ýokarlandy diýip, Carscoops belleýär.
Täze uzaldylan wersiýa öň diňe Hindistanda bardy. Bu model ýapon bazaryna üç gapyly adaty wersiýa alternatiwa hökmünde çykarylýar.
Täze Jimny Nomade-iň uzynlygy 3890 mm, bu Sierra görnüşinden 340 mm uzyn. Esasy üýtgeşiklik teker bazasy (2590 mm) bilen baglanyşykly. Mundan başga-da, awtoulag goşmaça gapylary aldy we salony ikinji hatardaky ýolagçylar üçin has giňeldi.
Şol bir wagtyň özünde, 210 mm-lik klirensi we kötele çykyş/eňňide iniş burçlary (36 ° we 47 °) ýaly wnedorožnige häsiýetli aýratynlyklary üýtgewsiz galdy.
Kapotyň aşagynda elde ýa-da awtomatiki geçiriş bilen işleýän, 103 at güýji bolan 1,5 litrlik hereketlendiriji bar.
Başlangyç bahasy 17,200 dollar, bu üç gapyly wersiýasyndan 3,700 dollar gymmat.
Suzuki sargytlaryň togtadylandygy üçin müşderilerden ötünç sorady we satuwlaryň gaýtadan başlan wagty habar berjekdigini aýtdy.
Jimny Nomade Hindistanyň Gurgaondaky Suzuki zawodynda öndürilýär we Ýaponiýanyň daşyna - Günorta-Gündogar Aziýa, Günorta Afrika, Latyn Amerikasyna we Ýakyn Gündogara eksport edilýär.
