Madridiň “Realynyň” indiki möwsümde ätiýaçdaky egin-eşik toplumy gök reňkli bolar diýip, Footy Headlines habar berýär. Toplumyň dizaýny adidas kompaniýasy tarapyndan işlenip taýýarlandy we “Santýago Bernabeu” stadionyndan ylham aldy.
Matanyň reňki arenadaky oturgyçlaryň reňkini, köýnekçedäki nagyş bolsa olaryň konturyny gaýtalaýar.
Köýnekçäniň döşünde üç ýaprak görnüşinde adidas-yň logotipi ýerleşdiriler. Köýnekçäniň içine bolsa klubuň öňki oýunçysy Huanitonyň sözleri ýazylar: “90 minut “Bernabeuda” – bu örän uzak”.
Bu “Realyň” 2025/26 möwsüminde üçünji eşik toplumy bolar we oýunlarda alternatiw wariant hökmünde ulanylar.
