Mercedes-AMG kompaniýasy brendiň iň kuwwatly dört gapyly awtomobili bolan GT 63 S E Performance gibrid kupesini hödürledi.
Awtoulag 831 at güýjüni berýän birikdirilýän gibrid güýç enjamy bilen üpjün edildi. 100 km/sag çenli tizligi artdyrma 2,8 sekunt wagt alýar, iň ýokary tizlik bolsa 317 km/sag ýetýär.
Model iki turbinaly 4,0 litrlik V8 hereketlendirijisini we yzky okda elektrik hereketlendirijisini aldy. Sekiz basgançakly awtomatik guty iki basgançakly elektrik hereketlendirijisiniň gutusy bilen işleýär. Herekete getiriji – doly.
6,1 kWt/sag litiý-ion batareýasy elektrik çekiş güýjünde 11 km çenli ýol geçmäge mümkinçilik berýär, ýöne onuň esasy wezipesi – bada-bat güýç bermek.
Sportkar Electric, Sport, Sport+ we Race ýaly ýedi hereket režimini hödürleýär. Asgyç (podweska) – adaptiw amortizatorlar bilen pnewmatik, tormoz – karbon-keramiki.
ABŞ-da satuw 2025-nji ýylda başlar, ýöne modeliň bahasy heniz belli däl.
