Las-Wegasda Microsoft Excel boýunca dünýä çempionaty geçirildi. Adatça eSport ýaryşlarynyň geçirilýän meýdançasynda gatnaşyjylar elektron tablisalaryny ulanyp, çylşyrymly meseleleri çözmek ugrunda bäsleşdiler diýip, Odelax habar berýär.
Çäre hakyky sport şüweleňi ýaly gurnaldy. Gatnaşyjylar yşyklardan ýaňa lowurdaýan tuneliň içi bilen geçip, zala girdiler, olaryň hereketleri tomaşaçylar üçin göni ýaýlymda teswir edildi.
Bäsleşige dünýäniň dürli künjeklerinden gelen bilermenler gatnaşdy. Bäsleşigiň guramaçysy Endrýu Grigolýunowiç bu formaty doly hukukly eSport hökmünde ösdürmegi maksat edinýändigini aýtdy.
Ýaryşyň finaly World of Warcraft onlaýn oýun stilinde geçirildi. Gatnaşyjylar 20 awataryň görkezijilerini yzarlamak üçin çylşyrymly formulalary işläp düzmeli boldular. Bu işi ýerine ýetirmek üçin olara ýedi sahypalyk gözükdirme kitapçasy berildi.
Bäsleşik 40 minut dowam etdi we ahyrynda 30 ýaşly iňlis maliýe geňeşçisi Maýkl Jarman ýeňiş gazandy. Ol Excel-i ýokary dereje bilýändigini we ýokary derejedäki seljeriş ukyplaryny görkezdi.
