Ford Megazilla hereketlendirijileriniň täzelenen görnüşlerini hödürledi. Olar öz awtoulaglaryny döredýän höwesjeňler üçin niýetlenendir diýip, Motor1 ýazýar.
Täze Megazilla 2.0 seriýasy hereketlendirijileriň güýjüni ep-esli ýokarlandyrýan super güýçlendirijileri aldy.
7,3 litrlik flagman V8-de indi süýlüp ýasalan porşenler, şatunlar we kolenwallar, şeýle hem 3,0 litrlik super güýçlendiriji bar. Netijede, enjamyň güýji 1000 at güýjünden geçýär, atmosfera wersiýasy bolsa 615 at güýjüne ýetdi.
5,3 litr göwrümli kiçi model super güýçlendirijiniň kömegi bilen 800 at güýjüni aldy. Iki hereketlendiriji hem iki ýyl ýa-da 38 500 km geçmäge zawod kepilligi bilen satylýar.
Bahasy resmi taýdan yglan edilmedi, ýöne Motor1-iň maglumatyna görä, Ford 7,3 litrlik hereketlendirijiniň bahasy takmynan 30 000 dollar, 5,3 litrlik hereketlendirijiniň bahasy 20 000 dollar.
