Daniýanyň ýygyndysy erkekleriň arasynda geçirilen gandbol boýunça dünýä çempionatynyň finalynda Horwatiýanyň toparyny ýeňdi we yzly-yzyna dördünji gezek altyn medala mynasyp boldy. Bu barada Olimpiýa oýunlarynyň resmi web sahypasynda habar berilýär.
Ýekşenbe güni daniýaly türgenler 32:26 hasaby bilen ýeňiş gazandylar. Duşuşyk Norwegiýanyň Oslo şäherinde geçirildi.
Oýnuň iň köp gol geçireni Daniýanyň ýygyndysynyň oýunçysy Matias Gidsel boldy, ol 10 gol geçirdi.
Şeýlelikde, Daniýanyň gandbol ýygyndysy yzly-yzyna dördünji gezek dünýä çempiony boldy. Olar mundan öň 2019, 2021 we 2023-nji ýyllarda hem çempion bolupdylar.
Üçünji orun ugrunda geçirilen duşuşykda Fransiýanyň ýygyndysy Portugaliýanyň toparyny 35:34 hasaby bilen ýeňdi.
