Ispaniýanyň milli ýygyndysynyň we Kataloniýanyň “Barselonasynyň” öňki ýarym goragçysy Andres Inýesta özüniň Never Say Never (NSN) kompaniýasynyň üsti bilen Daniýanyň “Helsingýor” futbol klubunyň eýesi boldy. Ol bu barada Daniýanyň TV TV2 teleýaýlymyna beren interwýusynda aýtdy.
Inýesta: “Umuman, futbol we sport halaýan zatlarymyz. Olaryň ündeýän zatlary gaty oňyn. Kluba goşulyp, dürli şertlerde toplanan ähli tejribämizi oňa ornaşdyryp, kluby ösdürmäge we gowulandyrmaga synanyşyp biljekdigime ynanýaryn" -diýdi.
“Helsingýor” 2005-nji ýylda esaslandyryldy. Häzir topar Daniýada üçünji güýçli diwizionda çykyş edýär. Klub öý oýunlaryny 4000-den gowrak tomaşaçy ýerleşýän “Helsingýor Stedium” stadionynda oýnaýar.
