Futbol boýunça Ýewropa çempionatynyň toparlaýyn tapgyrynyň ikinji oýnunda Serbiýanyň ýygyndysy Sloweniýa bilen deňme-deň oýnady (1:1). С toparyň Mýunhende geçen duşuşygy dartgynly boldy.
69-njy minutda slowen toparynyň goragçysy Žan Karniçnik hasaby açdy. Serbiýa ikinji ýaryma goşulan goşmaça wagtyň 5-nji minudynda Luka Ýowiçiň tagallalary bilen deňlemegi başardy.
С topardan beýleki duşuşykda Frankfurtda Angliýa Daniýa bilen deňme-deň oýnady - 1:1. Harri Keýn 18-nji minutda Angliýany öňe çykardy, 34-nji minutda bolsa Morten Ýulmann uzakdan urgusy bilen hasaby deňledi.
С toparda Angliýa birinji orny eýeleýär (4 utuk), Sloweniýa - ikinji (2 utuk), Daniýa - üçünji (2 utuk), Serbiýa bolsa (1 utuk) dördünji ýerde ýerleşýär.
B toparda Ispaniýa 1:0 hasap bilen Italiýadan üstün çykdy. 55-nji minutda italýanlardan Rikkardo Kalafori öz derwezesine gol geçirdi. Bu ýeňiş Ispaniýanyň ýaryşyň pleý-off tapgyryna çykmagyny üpjün etdi.
