Jeep kompaniýasy 2025-nji ýylyň ahyryna çenli üç sany täze ulag bilen model hataryny giňeltmegi meýilleşdirýär. Bu barada Stellantis konserniniň ýakynda ABŞ-nyň Milli dilerler birleşiginiň gatnaşmagynda geçirilen konferensiýasynda mälim boldy diýip, Carscoops ýazýar.
Täze önümleriň biri Wrangler-iň ornuny tutmak üçin döredilen Recon elektrik krossoweri bolar. Rekon-yň wnedorožnigiň öňdebaryjy tehnologiýalary we doly elektrik güýç gurluşy bilen üpjün edilmegine garaşylýar. Resmi taýdan ilkinji gezek 2025-nji ýylyň başynda görkezmek meýilleşdirilýär.
Käbir çeşmelere görä, Jeep Cherokee-ni ýa-da onuň mirasdüşerini Recon bilen bir platformada dikeltmegi göz öňünde tutýar. Ondan öň kompaniýa hindi halkynyň adybir wekilleriniň basgysy astynda Cherokee adyndan ýüz öwürmegi meýilleşdirýärdi.
Üçünji täze önüm hakda entek hiç zat belli däl.
Kompaniýa ozal 2025-nji ýylda täze Jeep Compass nesliniň ilkinji gezek çykjakdygyny bildiriş edipdi. Ykjam krossower benzin, gibrid we doly elektrik görnüşleri ýaly dürli güýç gurluşy bilen elýeterli bolar. Täze Compass elektrik çekişinde 650 kilometre çenli ýol geçip biler.
Şeýle hem awtoulag öndürijisi Renegade kiçi krossowerini täzelemegi we gibrid güýç gurluşlaryny ulanmagy giňeltmegi meýilleşdirýär. Hususan-da, Gladiator kysymly awtoulag 4xe benzin-elektrik görnüşini almaly.
Bu täze önümler Jeep-iň elektrikleşdirilen modelleriniň gerimini giňeltmeklige meýillidigini görkezýär. Kompaniýa 2025-nji ýyla çenli wnedorožnikleriň ähli segmentinde doly elektrik modelini hödürlemegi meýilleşdirýär.
