9 milliondan gowrak agzasy bolan meşhur bloger JerryRigEverything (Zak Nelson) täze çykan Samsung Galaxy S25 Ultra smartfonyny çydamlylyk synagyndan geçirdi.
Adaty bolşy ýaly, smartfonyň ekranyny Moos şkalasy boýunça 6 berklik derejesindäki material bilen çyzyp bolýar – bu bolsa adaty smartfonlar üçin täzelik däl.
Bloger bu gezek kameranyň modullarynyň töweregindäki halkalary aýryp görmäge karar berdi we muny başardy. Olar örän berk ýelimlenipdir, şonuň üçin adaty ulanyşda bular bilen bagly hiç hili kynçylyk ýüze çykmaly däl.
Epilmäge bolan durnuklylygy babatda bolsa, Samsung-yň flagmany hiç hili kemçilik görkezmedi – ol gaty berk gurluşa eýe bolup çykdy.
