2024-nji ýylda Toyota kompaniýasynyň satuwy 3,7% azaldy. Kompaniýa 10,8 mln awtomobil satmagy başardy. Bu pese gaçyşa garamazdan, ol yzygider bäşinji ýyl dünýäde iň uly awtoöndüriji bolmagynda galýar diýip, Reuters agentligi ýazýar.
Esasy pese gaçyş Ýaponiýada bolup geçdi. Bu ýerde Toyota, esasanam, Daihatsu golçur kärhanasynyň önümçiliginde ýüze çykan şahadatnamalaşdyrma synaglary bilen bagly meseleler sebäpli kynçylyk çekdi.
Toyota bilen Lexus-yň satuwy 1,4% pese gaçyp, 10,2 mln awtomobil boldy.
Hytaýda kompaniýa ýerli brendler bilen güýçli baha bäsdeşliginiň netijesinde 6,9% pese gaçyşy hasaba aldy.
2024-nji ýylda benzin-elektrik gibridleri satuwyň 40,8%-ini emele getirdi, akkumulýator batareýalarynda işleýän elektromobilleriň paýy bolsa 1,4%-e deň boldy.
Awtomobil kompaniýalarynyň dünýä reýtinginde ikinji orny Volkswagen kompaniýasy eýeledi. 2024-nji ýylda kompaniýanyň satuwy 9,03 mln awtomobil boldy. Üçlügi 7,23 mln satylan awtomobil görkezijisi bilen Koreýanyň Hyundai Motor Group kompaniýasy jemleýär.
