Hyundai Hindistanda we goňşy ýurtlarda meşhur bolan tuk-tuklaryň elektrikli görnüşleriniň nusgalaryny görkezdi. Modeller hindi TVS Motor Company kompaniýasy bilen bilelikde işlenip düzüldi. Häzirlikçe diňe nusgalaryň gürrüňi edilýär, ýöne kompaniýa olaryň yzygiderli önümçiligini ýola goýmagy göz öňünde tutýar.
Iki model hödürlendi: üç tekerli E3W we dört tekerli E4W.
Üç tekerli wersiýasynyň öň tarapynda bir oturgyç, dört tekerli görnüşiniňkide iki oturgyç bar. Kuzowynyň beýikligini sazlap bolýar, ýöne tehnologiýanyň jikme-jiklikleri aýan edilmeýär. Tuk-tuklara pnewmopodweska goýulmadyk bolsa gerek.
Öň panelde displeý we smartfon saklaýjy bolar. Şeýle hem ýazgylary we animasiýany görkezmek üçin faralaryň arasynda ekran göz öňünde tutulan.
Diametrli ulaldylan tigirler rahatlygy we geçijiligi ýokarlandyrmaly.
Tuk-tuklarda innowasiýalar hem bolar: awtoulaglaryň üçegi gyzdyryjylygy azaldýan ýörite gara reňk alar we ýolagçy bölüminiň bezeginde suw geçirmeýän materiallar ulanylar.
Ulaglaryň haçan öndürilip başlanjagy entek belli däl. Üç tekerli modeli Hindistanda öndürilmek meýilleşdirilýär, dört tekerli modeli bolsa halkara bazarlary üçin göz öňünde tutulýar. Tehniki häsiýetnamasy entek aýan edilmedi.
