4-5-nji fewralda Parižde geçiriljek RM Sotheby’s auksionynda özboluşly Bugatti Centodieci superkary satylar. Bu 2019-njy ýylda markanyň 110 ýyllygy mynasybetli hödürlenen iň seýrek superkar modelleriniň biridir.
Bu modelden kompaniýa bary-ýogy 10 nusga çykardy. Modeliň başlangyç bahasy 8 mln ýewrody, ýöne häzir ol 10 – 15 mln ýewro bilen bahalandyrylýar.
Bugatti Centodieci awtomobili Chiron giperkarynyň binýadynda guruldy, ýöne EB 110-y ýatladýan has ýeňil korpusy we dizaýny bilen tapawutlanýar. Superkar 1600 at güýjüni berýän we 2,4 sekuntda tizligini 100 km/sag çenli artdyrýan dört turbinaly 8 litrlik W16 hereketlendirijisi bilen enjamlaşdyryldy. Şol bir wagtyň özünde, awtoulagyň iň ýokary tizligi 380 km/sag barabar.
Bu auksionda “Skuderiýa” toparyna “Le-Manyň 24 sagady” ýaryşynda rekord ýeňşi getiren Ferrari 250 LM hem satuwa çykarylar. Ol “Bugattiden” tas iki esse gymmat bahalandyrylýar.
