“Barselona” bilen Madridiň “Realynyň” arasyndaky indiki “El-Klasikoda” katalon toparynyň köýnekçeleri britaniýaly aýdymçy Ed Şiranyň logotipi ýa-da ady bilen bezelgi bolar. Oýun 11-nji maýda geçiriler. Bu barada Mundo Deportivo neşiri habar berýär.
Bu klubuň Spotify aýdym-saz hyzmaty bilen baglaşan hemaýatkärlik şertnamasynyň çäklerinde bolup geçýär. Şertnamanyň şertlerine görä, Ispaniýa ligasynda “Real” bilen geçirilýän her oýunda baş hemaýatkäriň ýerine Spotify bilen baglanyşykly bolan aýdymçynyň ýa-da toparyň ady ýa-da logotipi ýerleşdirilmeli.
Mundan öň bu şertnamanyň çäklerinde katalon klubunyň köýnekçesinde aýdymçylar Rozaliýanyň (Rosalía), Karol G-niň, repçi Dreýkiň, şeýle-de The Rolling Stones we Coldplay toparlarynyň nyşanlary hödürlendi. Artistler täze albomyň çykmagy ýa-da konsert syýahatynyň başlamagy ýaly sebäpler göz öňünde tutulyp saýlanýar.
Geljekki oýunda Ed Şiranyň saýlanmagy onuň oýundan üç gün soň Madridde başlajak uly Ýewropa syýahaty bilen baglanyşyklydyr.
“Barselonanyň” “Real” bilen oýny 11-nji maýda Ispaniýanyň çempionatynyň 35-nji tapgyrynyň çäklerinde geçiriler.
