Spotify 2024-nji ýylda aýdym-saz pudagyna 10 milliard dollar töländigini habar berdi. Puly diňe bir aýdymçylar alman, eýsem, aýdym-saz bilen meşgullanýan prodýusserler hem aldy.
Platformanyň maglumatlaryna görä, häzirki wagtda artistleriň 10 müňden gowragy Spotify-da ýylda 100 müň dollardan gowrak girdeji gazanýar. Şolaryň arasynda 1250 aýdymçy ýylda 1 million dollardan gowrak, 60-sy bolsa 10 million dollardan gowrak pul gazandy.
Deňeşdirip görsek, 10 ýyl mundan ozal diňe 10 müň aýdymçy ýylda, iň bolmanda, 10 müň dollar gazanýardy. Spotify işe başlany bäri pudagyň umumy tölegleri takmynan 60 milliard dollar boldy.
Duetti hyzmaty Spotify-yň her 1000 diňleniş üçin aýdymça 3 dollar töleýändigini habar berdi. Deňeşdirmek üçin, 1000 diňleniş üçin:
- YouTube - 4,8 dollar;
- Apple Music – 6,2 dollar;
- Amazon Music - 8,8 dollar töleýär (2024-nji ýyldaky maglumatlar).
Spotify-yň ösüşine pleýlist ulgamy we AI DJ funksiýasy ýardam edýär. Ýene bir möhüm faktory mahabatly mugt tarif hasaplanýar. Häzirki premium abonentleriniň 60%-i şu derejeden başlady. Häzirki wagtda platformanyň 252 million tölegli abonenti bar, kompaniýa bu görkezijini geljekde 1 milliarda ýetirmegi göz öňünde tutýar.
