ABŞ-nyň Prezidentiniň aýaly Melaniýa Tramp Ak tamdaky durmuşy barada dokumental film döretmegi meýilleşdirýär. Taslama Amazon Prime akym platformasynda elýeterli bolar.
Daily Mail neşiriniň habar bermegine görä, filmi surata düşürmek üçin Birinji hanym tutuş surata düşüriji topar bilen rezidensiýa göçer. Amazon Prime-yň bu taslama maýa goýum mukdary 40 mln dollar bolup, onuň bir bölegini Melaniýanyň özi alar, çünki ol filmiň prodýuseri bolup çykyş edýär.
Belläp geçsek, Melaniýa Ak tama Donald Trampyň ikinji möhletinde göçmek kararyna geldi. Trampyň birinji prezidentliginde ol Nýu-Ýorkda mekdebe gatnaýan ogly Berron bilen galdy.
Ýatlap geçsek, Donald Trampyň ABŞ-nyň Prezidenti hökmünde kasam kabul ediş dabarasy 2025-nji ýylyň 20-nji ýanwarynda geçirildi. Ol saýlawlarda demokrat Kamala Harrisden öňe geçip, ýeňiş gazandy. Mundan öň Tramp 2017 – 2021-nji ýyllarda döwlet Baştutany wezipesini eýeledi.
