Hyundai ýakynda üç hatarly Creta Grand-yň gaýtadan işlenen görnüşini Ýakyn Gündogaryň bazaryna çykarar. Öň ulag ilkinji gezek Hindistanda Alcazar ady bilen çykypdy.
Täzelenen krossower ölçeglerinde düýpli üýtgeşmeler aldy. Onuň uzynlygy 4560 mm-e (+60 mm), ini 1800 mm-e (+10 mm) çenli ulaldy, beýikligi bolsa reýlingleri bilen bilelikde 1710 mm-e (+35 mm) çenli beýgeldi. Şol bir wagtyň özünde teker bazasy üýtgemän galdy, ol 2760 mm.
Awtoulag täze radiator gözenegini, üýtgedilen bamperleri we täzelenen optikany aldy. Salonda täze öň panel, döwrebaplaşdyrylan howa gözegçilik bölümi we multimediýa ulgamly birleşdirilen gural paneli ekrany peýda boldy.
Ýokarky bezeg derejeleri panoramaly üçek, smartfonlar üçin simsiz zarýad beriji, şemalladylýan oturgyçlar, töweregi görüş ulgamy we giňeldilen elektron kömekçileri bilen enjamlaşdyrylandyr.
Hyundai Creta Grand 159 at güýji bolan 2,0 litrlik atmosfera benzin hereketlendirijisini ýa-da 115 at güýjüni öndürýän 1,5 litrlik turbodizel aldy. Iki hereketlendiriji hem alty tizlikli el geçirişi bilen ýa-da awtomatiki geçiriş bilen enjamlaşdyrylandir we model diňe öň tigirleri hereketlendiriji bilen elýeterlidir.
Awtoulag alty we ýedi orunlyk görnüşde hödürlenýär. Soňra şeýle üç hatarly krossower beýleki sebitlere-de barar.
