22-nji martda Londonda geçiriljek UFC Fight Night 255 ýaryşynda guramanyň ýarym orta agramda öňki çempiony Leon Edwards bilen awstraliýaly Jek Della Maddalena duşuşar. Söweş agşamyň esasy wakasy bolar.
Edwards üçin bu söweş 2024-nji ýylyň iýul aýynda UFC 304-de ýeňlenden soň aýaga galmaga mümkinçilik bolar. Şol wagt ol emin agzalarynyň biragyzdan karary bilen Belal Muhammaddan ýeňlip, çempion titulyny ýitiripdi. 32 ýaşly britaniýalynyň hasabynda 22 ýeňiş we dört ýeňliş bar. Bir söweş geçirilmedik diýlip hasaplandy.
Jek Della Maddalena häzir ýeňişli tapgyrda barýar. Ol soňky söweşinde 2024-nji ýylyň mart aýynda geçirilen UFC 299-da Gilbert Bernsi üçünji raundda nokauta düşürip ýeňdi. Onuň hasabynda 17 ýeňiş bilen iki ýeňliş bar.
