Kia kompaniýasy düýpli kemçiliginiň bardygy sebäpli 2024-nji we 2025-nji ýyllarda çykan 74 469 sany Sorento krossowerini yzyna çagyrýar. Kuzowynyň dolandyryş bölüminde (BDC) faralaryň we çyralaryň işini bökdäp, ýolda howply ýagdaýyň döremegine sebäp bolup biljek programma üpjünçiliginiň ýalňyşlygy ýüze çykdy.
32Cars.ru-nyň habar bermegine görä, bu kemçilik diňe bir içinden ýandyrylýan hereketlendirijili adaty modellere degişli bolman, eýsem gibrid we plug-gibridlere-de täsir edýär. Yzyna çagyrylan ulaglaryň 63 782-sinde adaty benzin hereketlendirijileri, galanlarynda gibrid gurluşlary bar.
Meseläni çözmek üçin Kia ygtyýarly söwda dellallarynda BDC bölümi üçin mugt programma üpjünçiligini hödürleýär. Näsazlygy aradan aýyrmak üçin awtoulag eýelerinden hyzmat merkezlerine ýüz tutmak haýyş edilýär.
Şuňa meňzeş mesele öň Awstraliýada 2023-nji we 2024-nji ýyllarda çykan 5 978 sany Sorento krossowerinde tapylypdy.
