Madridiň “Realynyň” ýolbaşçysy Florentino Peres klubuň prezidenti hökmünde ýedinji möhlete gaýtadan saýlandy. Bu barada klubuň resmi web sahypasynda habar berildi.
“Realyň” häzirki prezidenti öz wezipesini 2029-njy ýyla çenli dowam etdirer. Florentino Peres bu wezipä dalaş edýän ýeke-täk dalaşgärdi.
Ispaniýaly gurluşyk telekeçisi we sport işgäri 2000-2006-njy ýyllar aralygynda “Realyň” prezidenti bolup işledi we 2009-njy ýylda gaýtadan saýlandy.
Madridiň “Realy” 46 utuk bilen 2024/25 möwsümiň La Ligasynda öňdeligi eýeleýär. Indiki tapgyrda Karlo Ançelottiniň topary “Walýadolid” bilen oýnar.
