Porsche kompaniýasy, modeli diňe elektrikli görnüşe öwürmegi meýilleşdirendigine garamazdan, Macan krossoweriniň benzin görnüşiniň ömrüni uzaltmagy karar etdi. Bu karar diňe bir içinden ýandyrylýan hereketlendirijili awtoulaglara bolan islegiň saklanýandygy bilen bagly bolman, eýsem Taycan elektrik awtoulagynyň satuwynyň peselmegi bilen hem baglanyşyklydyr diýip, Tarantas.news habar berýär.
Porsche-niň maliýe direktory kompaniýa içinden ýandyrylýan hereketlendirijileriň geljeginiň bardygyny görýändigini, hatda ony deslap elektrikli görnüş hökmünde göz öňünde tutulan modellere-de birikdirmegiň tärlerini gözleýändigini aýtdy.
Benzin bilen işleýän Macan üçin ösüşiň birnäçe ýoly bar. Olardan biri, häzirki wersiýanyň gaty meşhur bolany üçin, modeliň täze neslini döretmekdir. Ýene bir ýoly, awtoulagy häzirki zamanyň daşky gurşaw bilen bagly talaplaryna uýgunlaşmagyna mümkinçilik berýän restaýlingdir.
Ýewropada içinden ýandyrylýan hereketlendirijili Macan-yň satuwy geçen ýazda bes edilipdi, ýöne beýleki sebitlerde oňa bolan isleg ýokary bolmagynda galýar. Modeliň, täze Porsche 911-däki ýaly, gibrid güýç gurluşy bilen enjamlaşdyrylmagy mümkin.
Porsche Taycan-yň satuwynyň pesligi sebäpli, premium elektrikli awtoulaglaryň geljeginiň boljagyna gaty bir ynamly däl. Bu ýyl elektrik awtoulaglarynyň satuwy iki esse diýen ýaly, ýagny 20,8 müň awtoulaga çenli peseldi.
