Kaliforniýanyň (ABŞ) Moss-Lending şäherindäki elektrik stansiýasynda ýangyn bolup geçdi. Bu barada Montereý okrugynyň adatdan daşary ýagdaýlara jogap bermek boýunça departamentine salgylanyp, Los Angeles Times habar berýär. Wakanyň sebäbi gurluş näsazlygy boldy diýip, Politico habar berýär.
Desga dünýäde iň uly akkumulýator elektrik stansiýalarynyň biri hasaplanýar. Onda on müňlerçe litiý batareýasy işleýärdi. Işgärler we 1500 töweregi ýerli ýaşaýjy ýakyn ýerlerden ewakuasiýa edildi. Okrugdaky ýaşaýjylara penjireleri we gapylary ýapmak, şeýle-de wentilýasiýany öçürmek maslahat berildi. Litiý ýananda goýberilýän wodorod ftoridi saglyga zyýan ýetirýär.
Ýangynyň sebäplerini derňemek işi dowam etdiriler. Okrugyň şerifi hadysanyň Kaliforniýany gurşap alan tokaý ýangynlary bilen baglanyşykly däldigini belledi. Elektrik stansiýasy tebigy betbagtçylygyň merkezinden, takmynan, 500 km uzaklykda ýerleşýär.
