UFC Jastin Getji – Den Huker, Aleks Pereýra – Magomed Ankalaýew söweşlerini yglan etdi

  • 20.01.2025 10:01
  • 11k+

Amerikaly Jastin Getji we täze zelandiýaly Den Huker UFC 313 ýaryşynyň çäklerinde söweşer. Bu barada UFC-niň metbugat gullugy habar berdi. Söweş bäş raunddan ybarat bolar. Ýaryşyň özi 2025-nji ýylyň 8-nji martyndan 9-njy martyna geçilen gije Las-Wegasda (ABŞ, Newada ştaty) geçiriler.

36 ýaşly Jastin Getji UFC-de ýeňil agram derejesinde çykyş edýär. Ol soňky söweşini 2024-nji ýylyň aprel aýynda geçirdi we watandaşy Maks Holloueýden nokaut arkaly ýeňildi.
34 ýaşly Den Huker soňky üç söweşinde ýeňiş gazandy. 2024-nji ýylyň awgustynda geçirilen ahyrky söweşinde Huker emin agzalarynyň tapawutly karary bilen Mateuş Gamroty ýeňdi.

Şeýle-de, UFC-niň metbugat gullugy 93 kg çenli derejede UFC-niň titulynyň häzirki eýesi, braziliýaly Aleks Pereýranyň russiýaly söweşiji Magomed Ankalaýew bilen duşuşjakdygyny resmi taýdan anons etdi.
Anonsdan görnüşi ýaly, bu söweş hem UFC 313-de geçiriler.
Ýatlap geçsek, Aleks Pereýra 6-njy oktýabrda Solt-Leýk-Sitide geçirilen UFC 307-de amerikaly söweşiji Halil Rauntri bilen duşuşdy. Söweş braziliýalynyň dördünji raundda tehniki nokaut arkaly ýeňiş gazanmagy bilen tamamlandy.


düýn 18:17
5.7k+

Jeýk Pol iň uly şüweleňiň guramaçysy hökmünde Ginnesiň rekordlar kitabyna girdi

Amerikaly bloger we boksçy Jeýk Pol bir wagtyň özünde 20 çempionlyk ady (şol sanda wagtlaýyn atlary hem goşmak bilen) orta goýlan boks şüweleňini gurandygy üçin Ginnesiň rekordlar kitabyna girizildi. Bu barada Nýu-Ýorkda (ABŞ) bolan ýaryşdan soň geçirilen metbugat ýygnagynda habar berildi...

14.07.2025 19:06
14k+

Derrik Lýuis UFC on ESPN 70 agşamynyň esasy söweşinde Teýşeýrany 35 sekuntda nokaut etdi

13-nji iýulda ABŞ-nyň Neşwil şäherinde geçirilen UFC on ESPN 70 ýaryşynyň esasy tutluşygynda agyr agramda amerikaly  söweşiji Derrik Lýuis braziliýaly Tallison Teýşeýrony birinji raundda 35-nji sekuntda tehniki nokaut bilen ýeňdi...

14.07.2025 07:39
7.7k+

Merab Dwalişwili Mahaçewden öňe geçip, ESPY tarapyndan ýylyň söweşijisi boldy

Neşwillde geçirilen UFC on ESPN 70 ýaryşynda UFC promouşeni “UFC-de ýylyň söweşijisi” nominasiýasynda ESPY 2025 baýragynyň ýeňijisini yglan etdi. Ol iň ýeňil agramda çempion Merab Dwalişwili boldy. Gruzin-ispan...

03.07.2025 10:25
12k+

Iliýa Topuriýa UFC-niň iň gowy söweşijileriniň umumy reýtinginde Islam Mahaçewden öňe geçdi

UFC Las-Wegasda (ABŞ) geçen dynç günleri geçirilen UFC 317 ýaryşyndan soň iň gowy söweşijileriň reýtingini täzeledi. Gruziýadan ýeňil agramda (70 kg çenli) çempion Iliýa Topuriýa UFC-niň Pound-For-Pound (agram derejesine garamazdan) umumy reýtinginiň başyna geçdi, ol birinji orundan russiýaly Islam Mahaçewi gysyp çykardy...