Blade Urban Air Mobility kompaniýasy Nýu-Ýork şäheriniň etegindäki barly ýaşaýjylar üçin dikuçar gatnawlaryny işe girizýär. Indi olar dyknyşyklardan gaçyp we wagty tygşytlap, Manhettene çalt we rahat ýetip biler diýip, Bloomberg habar berýär.
Demirgazyk Nýu-Jersiniň we Nasso okrugynyň ýaşaýjylary günbatar Manhettene dikuçarda bary-ýogy 5 minutda baryp biler. Awtoulagda gidilende bu ýol azyndan bir ýarym sagat wagt alýar. Bir uçuşyň bahasy 95 dollar bolar. Şeýle-de, çäksiz uçuşlary amala aşyrmaga mümkinçilik berýän ýyllyk ýol bileti bar. Onuň bahasy 195 dollar bolup, Long-Aýlend ýa-da Nýu-Jersi bilen iki golaýdaky howa menziliniň – Jon Kennedi howa menziliniň we Nýuark Liberti howa menziliniň arasynda eýýäm bar bolan hususy awiagatnawlar üçin hem hereket edýär.
Kompaniýa şäher etegine gatnaýan ugurlaryň ulgamyny ösdürmegi we kem-kemden daşky gurşawy hapalamaýan doly elektrik dikuçarlaryny ulanmaga geçmegi meýilleşdirýär.
