“Barselona” “Kamp Nou” stadionyndaky VIP orunlaryny 100 mln ýewro satdy

  • 18.01.2025 23:22
  • 7.8k+

“Barselona” futbol kluby “Kamp Nou” stadionyndaky 475 VIP orny satdy. Ýakyn Gündogardan iki maýadarlar topary bilen baglaşylan şertnama kluba 100 mln ýewro getirer diýlip, klubuň beýanynda aýdylýar.

“Barselona soňky aýlarda klubuň üstünde işlän we ahyrky netijede La Liganyň maliýe fair play düzgünleriniň berjaý edilmegine gaýdyp gelmek üçin açar bolan amalyň çäklerinde “Kamp Noudaky” VIP orunlary satandygyny mälim edýär. Klub Ýakyn Gündogardan iki aýry maýadarlar topary bilen 475 orunlyk şertnama baglanyşdy. Hereket ediş möhleti – 30 ýyl” – diýip, klub habar berýär.

Şertnama orunlary uzak möhletleýin ulanmak hukugy üçin bir gezeklik tölegi göz öňünde tutýan Personal Seat License (PSL) modeli boýunça baglaşyldy.
VIP orunlaryň satylmagy klub üçin täze maddy däl aktiwleri döredýär we maliýe töwekgelçiligini azaldýar. Maýadarlar orunlary ulanyp ýa-da gaýtadan satyp biler, klub bolsa şertnamanyň möhleti üçin kepillendirilen girdejini alýar. Maýadarlaryň atlary äşgär edilmeýär, ýöne olaryň klubuň talaplaryna laýyk gelmek barlagyndan geçendigi habar berilýär.
Şeýle-de, “Barselona” 2024/2025 möwsümi üçin satylan abonementleriň mukdary boýunça ilkinji onluga girmän, 22 600 abonement bilen 15-nji orunda ýerleşdi.
Häzirki wagtda “Kamp Nouwyň” durky täzelenýär, şonuň üçin “Barselona” oýunlary 49 000 tomaşaça niýetlenen “Olimpik Lýuis Kompanis” stadionynda kabul edýär. Toparyň öz stadionyna 2025-nji ýylyň aprel aýynda gaýdyp barmagyna garaşylýar.
“Barselona” 1899-njy ýylda esaslandyryldy. Klubuň hasabynda jemi 107 kubok bar we bu ispan klublarynyň arasynda iň gowy görkezijidir. Titul sany boýunça ikinji orunda 106 kubok bilen Madridiň “Realy” ýerleşýär. Üçünji orunda – “Atletik Bilbao” (36).
Häzirki möwsümde “Barselona” La Liganyň 19-njy tapgyrynyň jemi boýunça ýaryş jedwelinde 38 utuk bilen üçünji orny eýeleýär. Birinji orunda “Atletiko” (44), ikinji orunda “Real” (43) ýerleşýär. “Barselonanyň” indiki oýny 18-nji ýanwarda “Hetafe” garşy bolar. 


düýn 19:36
3.7k+

“Fenerbahçe” Mourinýuny baş tälimçi wezipesinden aýyrdy, “Beşiktaş” Sulşer bilen hoşlaşdy

Stambulyň “Fenerbahçe” futbol kluby portugaliýaly Žoze Mourinýuny toparyň baş tälimçisi wezipesinden aýyrdy. Bu barada klub X sosial ulgamynda habar berdi. Çözgüt klubuň pleý-off tapgyrynda Portugaliýanyň “Benfikasyndan” utulyp, Çempionlar ligasynyň esasy tapgyryna çykyp bilmezligi bilen baglanyşykly boldy...

düýn 13:31
7.8k+

Çempionlar ligasynyň bije çekişigi geçirildi. 36 klubuň ählisi öz garşydaşyny bildi

28-nji awgustda 2025/26 möwsüminiň UEFA-nyň Çempionlar ligasynyň bije çekişigi geçirildi. Ýewropanyň esasy ýaryşyna 36 gatnaşyjynyň ählisi umumy tapgyr boýunça öz garşydaşlaryny bildi. Her topar sekiz garşydaş: reýting boýunça düzülen 4 sebediň hersinden iki topar bilen duşuşar...

düýn 07:25
8.2k+

«Altyn asyr» toparynyň AFK-nyň Çagyryş ligasyndaky garşydaşlary belli boldy

Aziýanyň Futbol Konfederasiýasy tarapyndan geçirilýän AFK-nyň Çagyryş ligasynda çykyş edýän Türkmenistandan «Altyn asyr» toparynyň toparçadaky garşydaşlary belli boldy. Malaýziýanyň paýtagty Kuala-Lumpur şäherinde geçirilen bije çekişligiň netijesinde, «A» toparça düşen paýtagtymyzyň toparynyň garşydaşlary Butanyň «Paro», Omanyň «Al-Şabab» hem-de Gyrgyz Respublikasynyň «Abdyş-Ata» toparlary boldular...

düýn 00:59
8.5k+

Erling Holand Norwegiýanyň milli ýygyndysynda täze familiýa bilen çykyş eder

“Mançester Sitiniň” hüjümçisi Erling Holand Norwegiýanyň milli ýygyndysynda geýjek köýnekçesiniň arkasyndaky familiýasyny üýtgeder. Bu barada milli ýygyndynyň sosial ulgamlardaky resmi sahypasynda habar berilýär...