Adobe kompaniýasy Photoshop programmasynda “Live Co-Editing” atly funksiýanyň beta wersiýasyny işe girizdi. Bu funksiýa, birnäçe ulanyja şol bir wagtda şol bir suratyň üstünde bilelikde işlemäge mümkinçilik berýär. Bu funksiýa esasan professional ulanyjylar we bilim edaralary üçin niýetlenendir diýip, kompaniýanyň habaryna salgylanmak bilen, PCMag habar berýär.
Funksiýany işjeňleşdirmek üçin “Share” düwmesine basyp, “Turn on Live Co-Editing” opsiýasyny saýlamak ýeterlikdir. Ulanyjylar ekranyň ýokarky böleginde kärdeşleriniň awatarlaryny, şeýle-de olaryň şekilde redaktirleýän ýerlerini anyk görüp bilerler.
Bu funksiýa kompaniýanyň “Shared Libraries” we “Share for Review” ýaly beýleki gurallaryna meňzeýär, ýöne şol bir wagtda bilelikde işlemäge mümkinçilik berýär.
Oňyn garaýyşlar bar bolsa-da, kompaniýa funksiýanyň tehniki aýratynlyklary we doly wersiýasynyň haçan çykjakdygy barada jikme-jik maglumat bermeýär. Onuň ahyrky wersiýasynyň çykmagy birnäçe aý dowam edip biler diýip çaklanylýar.
