Dünýäniň iň uly ýarymgeçirijileri öndürýän kompaniýalary smartfonlara we elektromobillere bolan islegiň azalmagy sebäpli maýa goýumlary azaltdy. 2024-nji ýylda umumy maýa goýum 123,3 mlrd dollar boldy we bu öň garaşylandan 9,5 mlrd dollar azdyr diýip, Nikkei neşiri ýazýar.
Ilkibaşdaky çaklama maýa goýumlaryň 6% ýokarlanmagyny göz öňünde tutupdy.
Bilermenler bu ýagdaýy Hytaýyň ykdysadyýetiniň gowşamagy we pandemiýa döwründäki iň ýokary satuwdan soň smartfonlara bolan islegiň azalmagy bilen baglanyşdyrýar. SEMI assosiasiýasy häzirki wagtda mikroshemalar üçin önümçilik kuwwatynyň adaty 80%-iň deregine bary-ýogy 70% işleýändigini belleýär.
Şol bir wagtyň özünde emeli aň üçin çip önümçiliginiň segmentinde ösüş hasaba alynýar. Taýwanyň TSMC kompaniýasy bu ugra ýylda 30 mlrd dollar gönükdirdi, SK Hynix bolsa maýa goýumlary geljek bäş ýylyň dowamynda 70,2 mlrd dollara çenli artdyrmagy meýilleşdirýär.
Pudakdaky umumy pese gaçyşa garamazdan, ýarymgeçirijileriň umumy global bazary 19% ýokarlanyp, 626,8 mlrd dollar boldy. Ösüş emeli aň tehnologiýalarynyň ösmegi bilen baglanyşykly diýip, hünärmenler belleýär.
