Bil we Melinda Geýts gaznasy Y Combinator tarapyndan goldanýan C16 Biosciences kompaniýasyna 3,5 million dollar maýa goýdy. Bu kompaniýa palma ýagynyň önümçiliginiň ekologiýa üçin zyýanly telekeçilik işine alternatiwa hödürleýär diýip, Inc. habar berýär.
Geýtsiň granty klimat tehnologiýasyny hem goldaýan Elemental Excelerator täjirçilik däl akseleratordan 1 million dollarlyk çek bilen berilýär.
Palma ýagy önümçilikde giňden ulanylýan çig maldyr, şonuň üçin dünýäde tokaýlaryň köpçülikleýin kesilmegi dowam edýär.
Hamyrmaýany we oba hojalygynyň çig malyny ulanyp, C16 Palmless atly gözellik önümlerinde ulanmak üçin ösümlik ýagynyň alternatiwasyny taýýarlaýar. Maýa goýum başlangyja azyk önümlerinde ulanmak üçin ýagyň täze reseptlerini taýýarlamaga kömek eder. Kompaniýa “galyndylardan we oba hojalygyna degişli däl çig mallardan, şol sanda uglerodyň tutulmagyndan alnan çig mallardan peýdalanmagy teklip edýär.
Tokaýlaryň kesilmegi ählumumy mesele. 2020-nji ýylda geçirilen gözlegde palma ýagy plantasiýalaryndan ýaňa howanyň hapalanmagynyň tutuş awiasiýa pudagyndan gelýän zyýanyň ýarysyna deňdigi anyklandy. Hünärmenler 1850-nji ýyldan bäri kömürturşy gazynyň ähli zyňyndylarynyň üçden bir bölegine tokaýlaryň ýok edilmeginiň sebäp bolandygyny bellediler.
Geýts gaznasyndan we Elemental-dan başga-da, Bill Geýtsiň Breakthrough Energy-si we DCVC C16-nyň öňki maýadarlary bolupdy. C16 şu güne çenli 36,3 million dollarlyk paýnamany, şeýle hem ABŞ-nyň Energetika ministrliginiň we Agile BioFoundry-nyň üsti bilen 2 million dollarlyk grant serişdäni toplandygyny aýtdy.
