Adobe suraty redaktirlemegi awtomatlaşdyrmak üçin innowasion gural bolan Firefly Bulk Create-ni hödürledi. Ol bir gezek basaňda 10 müňe çenli suraty gaýtadan işlemäge mümkinçilik berýär, bu mazmuny taýýarlamak işini ep-esli çaltlaşdyrýar.
Kompaniýa bu guralyň uly göwrümli mazmun bilen işleýän marketologlar, dizaýnerler we suratçylar üçin peýdaly boljakdygyny belleýär.
Esasy aýratynlyklarynyň içinde suratda fony awtomatiki aýyrmak we ölçegini üýtgetmek bar. Remove Background guraly suratdan fony aýryp ýa-da başga surat bilen çalşyp biler. Ulanyjy HEX-kody ulanmak arkaly, gerekli reňki berip ýa-da öz halanyny ýükläp biler. Resize AI algoritmlerini ulanmak bilen fon goşmak arkaly şekilleriň awtomatiki ölçegini meşhur platformalara gabat getirip üýtgedip biler.
Firefly Bulk Create Dropbox, şeýle hem, Adobe Experience Manager ýaly bulut hyzmatlary bilen birleşdirilip, faýllary ýüklemegi we gaýtadan işlemegi aňsatlaşdyrýar.
Geljekde Adobe Firefly Bulk Create-iň mümkinçiliklerini giňeldip, PSD faýllaryna goldaw goşmagy meýilleşdirýär.
Şeýle hem Adobe wideo bilen awtomatiki sinhronlamak, sanly awatarlary döretmek we döredijilik pudagyny düýpgöter üýtgetmegi wada berýän gurallaryň üstünde işleýär.
