Serbiýaly tennisçi Nowak Jokowiç “Uly tuwulga” ýaryşlarynda ýekelikde geçiren oýunlarynyň sany boýunça absolýut rekord eýesi boldy.
Awstraliýanyň Açyk çempionatynyň ikinji tapgyr oýnunda serbiýaly türgen portugaliýaly Žaýme Fariýany 6:1, 6:7, 6:3, 6:2 hasabynda utdy. Bu duşuşyk 37 ýaşly tennisçi üçin bu kategoriýadaky ýaryşlarda karýerasynda 430-njy boldy.
Şeýlelikde, Jokowiç hasabynda 429 oýun bolan şweýsariýaly Rojer Federerden öňe geçdi. Bu görkeziji boýunça üçünji orny amerikaly Serena Uilýams (423 oýun) eýeleýär.
2024-nji ýylyň iýun aýynda Jokowiç “Uly tuwulga” ýaryşlarynda gazanylan ýeňişleriň sany boýunça-da rekord eýesi boldy – 381. Türgen ATP reýtinginde ýedinji orny eýeleýär we 99 titulyň eýesidir, şol sanda “Uly tuwulga” ýaryşlarynda rekord 24 gezek ýeňiji boldy.
Australian Open-iň üçünji tapgyrynda Jokowiç dünýäniň 25-nji raketkasy Tomaş Mahaç bilen duşuşar. Ýaryş 26-njy ýanwarda tamamlanar.
