Lamborghini ýeke-täk nusgada çykarylan Egoista superkaryny 117 mln dollara satdy. Mundan öň kompaniýa awtomobili öz muzeý kolleksiýasynda saklamagy we satuwa çykarmazlygy meýilleşdiripdi, ýöne şahsy adamlar tarapyndan teklip edilen mukdar diýseň özüne çekiji boldy diýip, insaýderlere salgylanyp, Supercarblondie ýazýar.
Egoista ilkinji gezek 2013-nji ýylda hödürlendi. Superkar brendiň şol wagtky şef-dizaýneri Walter da Silwanyň ýolbaşçylyk etmeginde işlenip taýýarlandy we reaktiw ýok edijisiniň (istrebitel) stilinde ýerine ýetirildi. Ol bir orunlyk kokpit (dolandyryş ýeri), aýna gümmez we aýrylýan rul bilen üpjün edildi. Kuzow antiradar örtügine we işjeň aerodinamika eýe boldy.
Awtomobiliň platformasy Lamborghini Gallardo modeline esaslanýar. Egoista 600 at güýjüni berýän 5,2 litrlik V10 bilen enjamlaşdyryldy.
Ýaňy-ýakyna çenli superkar Lamborghini-niň muzeýinde saklandy, indi bolsa näbelli ugra äkidildi. Şeýle ýagdaý 2022-nji ýylda hem bolup geçdi, şol wagt Mercedes-Benz 135 mln ýewro 300 SLR Uhlenhaut kupesini satdy.
