Brýusseldäki awtosalonda Toyota Urban Cruiser 2025 modeli görkezildi. Täze awtomobil döwrebap dizaýny, giň salony we öňdebaryjy tehnologiýalary özünde jemleýär.
Model Yaris Cross bilen deňeşdirilende uly göwrümi, täze platforma, şeýle-de kämilleşdirilen funksionallyk bilen tapawutlanýar.
Teker bazasynyň uzynlygy 2 700 mm bolup, yzdaky ýolagçylar üçin D derejeli awtomobilleriňki ýaly giňişligi üpjün edýär. Kabinanyň dizaýny ýokary ýerleşdirilen oturgyçlar bilen kese stilde ýerine ýetirilen. 12 reňk režimi bilen atmosfera yşygy hem bar.
Model 49 ýa-da 61 kWt/sag batareýalary bilen üpjün edilýär. Doly herekete getirijili wersiýa 65 at güýjündäki goşmaça hereketlendirijiniň kömegi bilen çylşyrymly ýollarda we eňňitlerde hem hereket edip bilýär.
Adaty üpjünçilige adaptiw kruiz gözegçiligi, çaknyşmalaryň öňüni alyş we zolaklary saklamak ulgamlary, sanly enjam paneli (10,25 dýuým), multimedia ekrany (10,1 dýuým), Apple CarPlay we Android Auto goldawy, JBL audioulgamy we panorama kamerasy girýär.
Urban Cruiser üçin sargytlar eýýäm käbir ýurtlarda kabul edilýär. Üpjünçilik 2025-nji ýylyň tomsunyň ahyrynda başlar.
