WhatsApp-yň işläp düzüjileri ulanyjylara emeli aň esasynda şahsylaşdyrylan botlary döretmäge mümkinçilik berjek täze funksiýanyň üstünde işleýärler.
WABetaInfo-nyň berýän maglumatlaryna görä, täze interfeýs Android platformasynda synagdan geçirilýär. Täzelenen wersiýada “Toplumlar” (Communities) sahypasy, “Emeli aňlar” (AIs) diýlip atlandyrylýan täze sahypa bilen çalşyrylypdyr. Bu täze sahypa emeli aň bilen baglanyşykly ähli funksiýalara aňsatlyk bilen girmäge mümkinçilik berýär.
Ýene esasy üýtgeşiklikleriň biri bolsa “AI Character” atly guralyň ornaşdyrylmagy bolup, ol ulanyjylara programmanyň içinde öz çat-botlaryny (gürrüňdeşlik botlaryny) döretmäge mümkinçilik berýär. Boty düzmek prosesinde ulanyjylar botyň funksionallygyny we esasy maksadyny özleri saýlap bilýärler. Şeýle hem, munuň üçin WhatsApp-yň özi hem maslahatlar we teklipler hödürleýär.
Bilermenler, şahsy AI botlaryny ulanylyşa girizmegiň WhatsApp-yň funksionallygyny giňeldip biljekdigini, bu platformanyň diňe bir aragatnaşyk üçin däl, eýsem dürli meseleleri awtomatlaşdyrmak boýunça hem mümkinçilik berjekdigini belleýärler. Bu funksiýa häzirlikçe synag tapgyrynda bolup, onuň köpçülikleýin ulanylyşa giriziljek wagty barada habar berilmedi.
