Live Science neşiriniň ýazmagyna görä, Lýuksemburgyň demirgazygyndaky Holtsum obasynda 364-408-nji ýyllar ýyllar aralygynda zikgelenen 141 sany altyn teňňe tapyldy. Bu teňňelerde sekiz sany imperatoryň şekilleri ýerleşdirilen we olaryň üçüsinde Günbatar Rim imperatory Ýewgeniý suratlandyrylypdyr. Ýewgeniý bary-ýogy iki ýyl (392-394-nji ýyllar aralygynda) hökümdarlyk eden imperator bolupdyr.
Bu tapyndy gadymy hazynalary öwrenmekde örän möhümdir. Tapyndynyň taryhy ähmiýeti sebäpli gazuw-agtaryş işleriniň netijeleri dört ýyllap syr hökmünde saklanypdyr. Gazuw işleri Lýuksemburgyň Milli arheologiki gözlegler institutynyň (INRA) ýolbaşçylygynda 2020-2024-nji ýyllar aralygynda geçirilipdir. Gazuw-agtaryş işleriniň geçirilýän ýerinde Beýik Watançylyk urşundan galan köp sanly ýaraglaryň we partlaýjy serişdeleriň bardygy ýüze çykarylypdyr. Şonuň üçin Lýuksemburgyň harby güýçleriniň minalary zyýansyzlandyrmak gullugy gazuw işlerinde ýardam beripdir.
Teňňeler “solid” diýlip atlandyrylýar we olaryň takmynan 4,5 gram agramy bar. Rim imperiýasynyň soňky döwürlerinden galan bu altyn teňňeler durnukly düzümi bilen giňden tanalypdyr. Garaşsyz seljermeler, tapyndynyň gymmatyny 322 müň dollara barabar diýip hasaplaýarlar.
