"Turkish Airlines" awiakompaniýasy Walentin güni mynasybetli iki bolup syýahat edýän ýolagçylar üçin ýörite aksiýa yglan etdi. Aksiýa ýalyklykda, Aşgabat-Stambul-Aşgabat gatnawy boýunça iki ýolagçy üçin biletiň bahasy 796 amerikan dollaryna deň bolar diýip, Atavatan Türkmenistan neşiri habar berýär.
Aksiýa 2025-nji ýylyň 3-nji fewralyndan - 17-nji marty aralygyndaky gatnawlar üçin hereket edýär. Biletleriň satuwy 2025-nji ýylyň 15-nji ýanwaryndan 17-nji fewralyna çenli dowam eder.
Aksiýa 12 ýaşdan uly ýolagçylara degişlidir. Şeýle hem "Turkish Airlines" ýükleri daşamak boýunça hem amatly şertlerini hödürleýär: el goşy - 8 kg çenli, hasaba alnan ýük - 40 kg çenli.
Biletleri Turkish Airlines-iň satuw edarasyndan alyp bolar.
Salgysy: Aşgabat ş., "USSAT" işewürlik merkezi, G.Kulyýew köç. (2127), j.39-1.
Goşmaça maglumat üçin: (+99361)01-44-33, (+99312)75-11-57.
