2025-nji ýylyň 16-njy ýanwarynda Mars gapma-garşylykda durar. Ýagny, Mars bilen Günüň hersi Ýeriň garşy tarapynda ýerleşerler. 780 günden bir gezek gaýtalanýan bu hadysanyň dowamynda Gyzyl planeta iň ýokary ýagtylygyna ýeter diýip, Starwalk habar berýär.
Munuň özi astronomlara we synçylara Gyzyl planetany iň ýagty görnüşde görmäge mümkinçilik berer. Şeýle-de, ol 96,079 mln km aralykda ýakyn ýagdaýda bolar.
Marsyň ýagtylygy -1,4m ýyldyz ululygyna ýeter we bu hem ony adaty göz bilen görüp bolýan iň öçügsi ýyldyzdan 900 esse ýagty eder. Planeta tutuş gijäniň dowamynda, Aşgabat wagty bilen 19:30-dan 08:41-e çenli görner.
Bu Marsa hatda teleskopsyz syn etmek üçin örän amatly ýagdaý döreder. Planeta 14,6" burç diametrine eýe bolar, netijede ol ulaldylan ýaly görner.
Marsyň ýagtylygyndaky we burç ululygyndaky düýpli üýtgeşmeler eýýäm birnäçe ýyl bäri bolýar. Marsyň iň uly gapma-garşylygy, ýagny planetanyň Ýere has ýakyn gelmegi, takmynan, 15-17 ýylda bir gezek bolup geçýär. Mysal üçin, 2003-nji ýylda planeta Ýerden 55,7 mln km aralykda ýerleşdi, bu bolsa soňky 60 000 ýylda iň ýakyn aralyk boldy.
Indiki uly gapma-garşylygyň 2035-nji ýylyň sentýabr aýynda bolmagyna garaşylýar, şonda planeta Ýerden 56 mln km aralykda ýerleşer.
