Volkswagen özüniň meşhur maşgala ulaglarynyň biri bolan Arteon Shooting Brake modeliniň önümçiligini meýilleşdirilen wagtyndan bir ýyl öň bes etdi. Bu ulag kompaniýanyň iň owadan modelleriniň biri hasaplanylýardy diýip, Motor1 habar berýär.
Arteon Shooting Brake modeliniň 2026-njy ýyla çenli öndürilmegi meýilleşdirilipdi. Ýöne ulagyň soňky nusgasy eýýämden Germaniýanyň Osnabrýuk şäherindäki zawoddan çykdy. Bu model bäş ýyl satuwda galdy we şol wagtyň dowamynda jemi 190 müň nusga barabar möçberde öndürildi. Bu model ABŞ bazarynda satuwa çykarylmandy. Arteon modeliniň beýleki görnüşleriniň önümçiligi hem Germaniýada amala aşyrylypdy.
Volkswagen Osnabrýuk zawodynda T-Roc kabriolet ulaglaryny 2027-nji ýylyň ortalaryna çenli öndürmegi dowam etdirer. Ýöne bu zawod bilen hem bagly geljekki meýilnamalar entek anyk däl. Kompaniýa zawodyň başga maksatlar üçin peýdalanylmagyny göz öňünde tutýandygyny mälim etdi.
