Volkswagen-iň direktorlar geňeşiniň agzasy Gunnar Kilian ýolbaşçylara tölenýän haklary 2030-njy ýyla çenli 300 million ýewro azaltmak baradaky meýilnamasyny yglan etdi. Şol bir wagtyň özünde, direktorlar geňeşiniň agzalarynyň aýlyklary, top-menejerleriňkä garanda, has hem azaldylar diýip, Autohome habar berýär.
Bu ädim kompaniýanyň maliýe ýagdaýyny durnuklaşdyrmak üçin geçirilýän uly göwrümli çäreleriň bir bölegi boldy. Volkswagen ozal kärdeşler arkalaşygy bilen Germaniýada 35 000 iş ornuny azaltmak barada ylalaşypdy. Şeýle-de bolsa, kärdeşler arkalaşygy dolandyryşdaky ozalky näsazlyklar üçin konserniň ýolbaşçylarynyň maliýe jogapkärçiligini çekmegini hem talap etdi.
Ýolbaşçylaryň aýlygynyň kemeldilmegi ykdysady kynçylyklaryň fonunda kompaniýanyň ornuny berkitmäge hem-de işgärleriň we jemgyýetçiligiň ynamyny saklamaga kömek etmelidir.
