Ilatynyň ortaça IQ derejesi boýunça dünýä ýurtlarynyň ýyllyk reýtingi hödürlendi. Maglumatlar 2024-nji ýylda degişli gözleg saýtynda aň koeffisiýenti boýunça halkara testden geçen 1 393 066 adamyň maglumatlaryna esaslanýar.
Sanawda maglumatlary elýeterli bolan 127 ýurt görkezildi. Bellenilişi ýaly, ortaça global IQ görkezijisi 100.
Ylmy gözlege laýyklykda, ortaçadan ýokary aň derejesini, esasan, Gündogar Aziýa ýurtlary görkezdi – olar reýtingiň ilkinji onlugynda agdyklyk edýär. Ortaça ýakyn netijeler Ýewropada, Günbatar Aziýada, Okeaniýada, Demirgazyk Amerikada we Demirgazyk Afrikada hasaba alyndy.
Merkezi we Günorta Afrikada, şeýle-de Latyn Amerikasynda ortaça görkezijiler global derejeden pes boldy.
Iň ýokary IQ derejesi bolan ýurtlaryň ilkinji onlugy:
- Hytaý – 107,43
- Eýran – 106,63
- Günorta Koreýa – 106,57
- Ýaponiýa – 106,54
- Singapur – 105,25
- Russiýa – 103,31
- Mongoliýa – 103,13
- Awstraliýa – 102,67
- Ermenistan – 102,64
- Ispaniýa – 102,37
Reýtingiň soňky üç ornuny Afrika ýurtlary: Benin (87,11), Angola (86,14) we Gabon (85,56) eýeleýär.
