Hyundai Motor-yň Hindistandaky şahamçasy meşhur Creta krossoweriniň täze görnüşini hödürledi. Creta Electric görnüşi setirdäki ilkinji doly elektrikli ulagdyr.
Awtoulag bary-ýogy 7,9 sekuntda 100 km/sag tizlige çykýar.
Öndüriji entek hereketlendirijiniň kuwwatyny we tekerleri doly hereketlimi-dälmi, bu baradaky maglumatlary aýan etmedi. Emma käbir häsiýetnamalary belli. Esasy wersiýasy 390 km-e çenli ýöreýiş ätiýaçlygyny üpjün edýän 42 kWt batareýa bilen enjamlaşdyrylandyr. Ýokarky wersiýasy 51,4 kWts batareýa bilen 473 km-e çenli ýöreýiş ätiýaçlygyny hödürleýär. Batareýasynyň çekijiliginiň kepili haýran galarlykly 8 ýyl ýa-da 160 000 km.
Täze elektrik krossoweriniň aerodinamiki 17 dýuýmlyk tigirler, tutuş LED optika we sanly gural paneli bilen bezelen görnükli dizaýny bar. Alyjylara dört sany bezeg derejesi (Executive, Smart, Premium we Excellence) we korpusynyň, iki reňkli görnüşini hem goşmak bilen, on reňk görnüşi hödürlener.
Hereketlendirijisiniň güýjüni we bahasyny hem goşmak bilen, doly tehniki häsiýetnamasy 16-njy ýanwarda Hyundai Creta Electric-yň köpçülige ilkinji hödürleniş dabarasynda yglan ediler.
