Türkmenistanyň futbol boýunça milli ýygyndysy Aziýanyň Kubogy-2027-niň saýlama tapgyrynda çykyşlaryny myhmançylykda Hytaý Taýbeýine garşy duşuşykdan başlar. Duşuşyk 2025-nji ýylyň 25-nji martynda geçiriler.
Bije çekişligiň netijeleri boýunça her biri dört ýygyndydan ybarat alty topar emele geldi. Türkmenistan "D" toparda çykyş eder. Bu toparda Mergen Orazowyň şägirtleri ýollanma ugrunda Tailandyň, Hytaý Taýbeýiniň we Şri-Lankanyň ýygyndylary bilen bäsleşer.
Her topar alty duşuşyk geçirer, 3-si öz meýdançasynda, 3-si myhmançylykda. Türkmenistan 2025-nji ýylda 5 duşuşyk geçirer, jemleýji duşuşygyny 2026-njy ýylyň 31-nji martynda mynmançylykda Tailanda garşy geçirer.
Saud Arabystanynda geçiriljek Aziýanyň Kubogy-2027-niň jemleýji tapgyrynda çykyş etmek hukugyna her alty toparyň diňe ýeňijileri eýe bolar.
Aşakda Türkmenistanyň milliu ýygyndysynyň "D" toparda geçirjek duşuşyklarynyň tertibi getirilýär:
| Tapgyr |
Sene |
Duşuşyk |
Geçiriljek ýeri |
| 1 |
25-nji mart, 2025 |
Hytaý Taýbeýi – Türkmenistan |
myhmançylykda |
| 2 |
10-njy iýun, 2025 |
Türkmenistan – Tailand |
öýde |
| 3 |
9-njy oktýabr, 2025 |
Şri-Lanka – Türkmenistan |
myhmançylykda |
| 4 |
14-nji oktýabr, 2025 |
Türkmenistan – Şri-Lanka |
öýde |
| 5 |
18-nji noýabr, 2025 |
Türkmenistan – Hytaý Taýbeýi |
öýde |
| 6 |
31-nji mart, 2026 |
Tailand – Türkmenistan |
myhmançylykda |
