NASA Ýupiteriň, Ýewropa ýaly, buzly hemralarynyň ummanlarynyň düýbüni öwrenmek üçin ýüzýän robotlary döretmegiň üstünde işleýär. Alymlar olarda Ýeriň ähli ummanlarynyň jemi suwundan hem köp suwuk suwuň bardygyny öňe sürýärler diýip, Telegraph neşiri ýazýar.
Mundan başga-da, Ýewropa deňizleri gyzdyryp, möhüm iýmit maddalaryny garyşdyryp we ýaşaýşyň ösmegine goldaw berip biljek geologiki işjeňligiň alamatlaryny görkezýär.
Missiýanyň meýilnamasyna buzy eredip ötük döretjek krioboty ulanyp, robotlary buz gatlagynyň astyna eltmegi göz öňünde tutýar. Kindiwanja robotlar barlag geçirmek üçin ummanda ýerleşdiriler. Olaryň nusgalary eýýäm Kaltehde synagdan geçirildi we oňat hereket edip bilýändiklerini görkezdi.
Takmynan, 42 sm ululykdaky her bir robot suwuň temperaturasyny, basyşyny we himiki düzümini ölçemek üçin datçikler bilen enjamlaşdyrylandyr. Geljekde olaryň ululygy, optimal hereket edip bilmekleri üçin, üç esse kiçeldiler. Robotlar maglumatlary kriobot arkaly gonuş modulyna, soňra bolsa Ýere geçirer.
Şeýle hem, NASA 2030-njy ýylda Ýewropa ýetjek Europa Clipper missiýasynyň maglumatlaryna garaşýar. Eger hemranyň şertleri ýaşaýyş üçin amatly bolsa, ýüzüji robotlar geljekki barlaglaryň esasy guralyna öwrüler.
