Ford ilkinji gezek Tremor wersiýasyny öz içine alýan, Expedition 2025 wnedorožnikleriniň täzelenen hataryny görkezdi. Täze ulag ýolsuz ýerlerde ýokary mümkinçilikleriň we premial rahatlygyň utgaşmasyny hödürleýär diýip, Speedme habar berýär.
Awtoulag işjeň dynç almagy we syýahat etmegi halaýanlar üçin niýetlenendir.
Täze önüm yzky diferensialy elektron gulplanmasy, tekerleri doly hereketlendiriji we wnedorožnigiň rezini goýlan 33 dýuýmlyk tekerler bilen enjamlaşdyrylandyr. Podweskasy goşmaça 2,5 sm göterildi we kapotyň aşagyna 440 at güýjüne eýe bolan 3,5 litrlik V6 hereketlendirijisi oturdyldy.
Salonynda deşikli deriden premial bezegli üç hatar oturgyç bar. Opsiýalaryna gyzdyrylan we şemalladylýan öňdäki oturgyçlar, ikinji hatardaky kapitan oturgyçlary we tokly sazlanýan üçünji hatar oturgyçlar girýär. Multimedia ulgamy 24 dýuýmlyk displeýi, 13,2 dýuýmlyk duýgur ekrany we 22 dinamikli Bang & Olufsen akustikasyny öz içine alýar.
Şeýle hem Ford awtomagistrallarda el degirmän sürmäge mümkinçilik berýän öňdebaryjy BlueCruise adaptasiýa kruiz dolandyryşy bilen enjamlaşdyrdy.
Täze wnedorožnigiň bahasy 81 000 dollardan başlaýar.
