Casio kompaniýasy ABŞ-da "MRGB2000JS1A" premium sagatlary üçin deslapky sargytlaryň kabul edilip başlanandygyny habar berdi. G-Shock seriýasynyň bu modeli ýapon ussalary Teruhira Kamiýama we Nomura Mamoru bilen hyzmatdaşlykda döredildi.
Sagat birnäçe döwrebap tehnologiýalar bilen enjamlaşdyrylandyr. Onda smartfona birikmek üçin Bluetooth, wagty awtomatiki sazlaýjy, iki wagt zolagyny görkeziş funksiýasy we Gün şöhlesinden zarýad almak üçin Tough Solar ulgamy bar. Modeliň suwa durnuklylygy 200 metre ýetýär.
Sagadyň korpusy titandan, bileziginde bolsa ýokary berkligi üpjün edýän göwherpisint uglerod (DLC) örtük bar.
Sagadyň bahasy ABŞ-da 8000 dollar. Bu modeliň Beýik Britaniýada 6700 funt sterlinge satylmagyna garaşylýar.
Deslapky sargytlar Casio-nyň resmi web sahypasynda ýa-da meşhur zergärçilik dükanlarynda resmileşdirilip bilner. Bary-ýogy 110 nusgasy öndürildi.
