Ýakynda bitkoiniň bahasynyň ep-esli ýokarlanmagyndan soň, lýuks brendler kriptowalýuta arkaly tölegleri girizip başladylar diýip, Reuters habar berýär.
Mysal üçin, Fransiýanyň uniwermaglar ulgamy Printemps öz dükanlarynda bitkoin we Ethereum ýaly kriptowalýutalarda töleg kabul etmek üçin Binance kriptobiržasy we Lyzi maliýe tehnologiýa kompaniýasy bilen hyzmatdaşlygy yglan etdi. Bu Printemps-i Ýewropada kriptowalýuta ulanýan ilkinji söwda ulgamyna öwürýär.
Kriptowalýutalar bilen eýýäm tejribe geçirip gören beýleki brendleriň arasynda LVMH, Gucci, Balenciaga, sagat brendleri Hublot we Tag Heuer hem bar. Lýuks aksessuarlary öndüriji S.T.Dupont Pariždäki iki dükanynda bitkoin kabul edip başlajakdygyny aýtdy.
Şeýle-de, Virgin Voyages kruiz kompaniýasy öz kruiz gämilerinde bir ýyla çenli möhlet bilen ýüzüşe kriptowalýutada tölemek mümkinçiligini hödürledi. Şeýle syýahat üçin abonement 120 müň dollara barabar.
Hünärmenler şeýle özgertmeler kriptowalýutalara bolan gyzyklanmanyň artmagy we kadalaşdyrmalarda mümkin bolan gowşamalar bilen baglanyşykly diýip hasaplaýarlar. Kriptowalýutalaryň ýokary üýtgäp durujylygyna garamazdan, olaryň töleg serişdesi hökmünde ulanylmagy lýuks pudagynda täze trend bolup biler.
